Qırğızıstan Tacikistanla sərhəddəki münaqişə zonasından 11 mindən çox insanı təxliyə edib.

ONN media xəbər verir ki, bu barədə ölkənin Fövqəladə Hallar Nazirliyi məlumat verib.

“Batkendə hazırkı vəziyyət belədir: 11052 vətəndaş bölgədən təxliyə edilib. Onlardan 10 410 nəfəri təhlükəsiz ərazilərə, 642 nəfəri isə müvəqqəti məskunlaşma məntəqələrinə köçürülüb”, - məlumatda qeyd olunub.

Bildirilib ki, hazırda təxliyə edilən vətəndaşlar həkim nəzarətindədir və bütün lazımi vasitələrlə təmin olunublar.

Qeyd edək ki, ötən gün Qırğızıstan-Tacikistan sərhədçiləri arasında atışma baş verəb, nəticədə ölən və yaralananlar var.