Ukraynanın Prikarpatye şəhərinin hüquq mühafizə orqanlarının əməkdaşları cinayətkar aləmdə “Suxoy İqor” kimi tanınan kriminal avtoritet İqor Dutkanın qatillərinin axtarışına başlayıb.

ONN media xəbər verir ki, hüquq mühafizə orqanları “Suxoy İqor”un Yaremçe kurort şəhərində diş həkiminin qəbulunda olarkən güllələnməsi barədə məlumat yayıb. O, stomatoloji kresloda can verib.

Qətl barədə polisə birinci məlumat da diş həkimindən daxil olub.

O, izahatında bildirib ki, naməlum şəxs onun stomatoloji kabinetinə daxil olaraq pasiyentə silahdan bir neçə dəfə atəş açıb və dərhal oradan uzaqlaşıb.

Hazırda polis qanlı olayın digər təfərrüatını araşdırır.