Şimali Koreyanın “Şinhua” xəbər agentliyi dövlət başçısı Kim Çen Inın 25-28 mart tarixində Çinə qeyri-rəsmi səfər gerçəkləşdirdiyini yazıb.

ONN media Publika.az-a istinadən xəbər verir ki, səfərdə iki ölkənin liderləri Koreya yarımadasındakı son hadisələrdən, Şimali Koreyanın Cənubi Koreya və ABŞ ilə ayrı-ayrı həyata keçirəcəyi liderlər zirvəsindən danışıb.

Şimali Koreya lideri bildirib ki, ölkəsi Cənubi Koreya ilə olan münasibətləri sülh və əməkdaşlıq çərçivəsində inkişaf etdirməkdə qərarlıdır:

“Cənubi Koreya və ABŞ bizim xoş niyyətli cəhdlərimizə qarşılıq verər, sülh və sabitliyə fayda qatarsa, Koreya Yarımadasının nüvə problemi öz həllini tapacaq. Çinin strateji dialoqu gücləndirməsi, müzakirə və dialoq atmosferinin Koreya yarımadasına gətirəcəyi sabitlik və sülhü dəstəkləməsini və qorumasını ümid edirik”.

Kim Çen Inın Çinə qeyri-rəsmi səfəri eyni zamanda vəzifəyə gəldiyi 2011-ci ildən bəri etdiyi ilk xarici səfərdir.

Qeyd edək ki, Kim Çen Inın aprel ayının sonunda Cənubi Koreya lideri Mun Cay, may ayına qədər isə ABŞ prezidenti Donald Trampla bir araya gəlməsi gözlənilir.