Suriyanın Duma bölgəsində mülki əhaliyə kimyəvi silah atılmasından sonra ABŞ, İngiltərə və Fransadan ibarət koalisiya qüvvələri ötən şənbə Bəşər Əsəd qüvvələrinin mövqelərinə hava zərbələri endirmişdi.

ONN media xarici mediaya istinadən xəbər verir ki, dünən gecə ABŞ qüvvələri Suriyaya qarşı ikinci əməliyyat həyata keçirib.

Məlumata görə, Suriyanın Homs bölgəsinə atılan raketlər Suriyanın hava hücumundan müdafiə qüvvələri tərəfindən zərərsizləşdirilib.

ABŞ raketləri Şayrat hərbi hava bazasını hədəfə alıbmış. Ərəb mediasının iddiasına görə, İsrail qırıcıları da hücuma dəstək verib.