Türkiyə Silahlı Qüvvələri İraqın şimalında keçirdiyi əməliyyat zamanı PKK-nın onlarla üzvünü məhv edib.

Bu barədə Türkiyə Milli Müdafiə naziri Xulusi Akar jurnalistlərə açıqlamasında deyib.

“İlkin məlumatlara görə, İraqın şimalında "Pəncə-Kilid" xüsusi əməliyyatı zamanı 61 terrorçu zərərsizləşdirilib" - Akar qeyd edib.

Qeyd edək ki, aprelin 18-nə keçən gecə Türkiyə Silahlı Qüvvələri İraqın şimalında PKK-ya qarşı Hərbi Hava Qüvvələri və xüsusi təyinatlıların da cəlb olunduğu yeni hərbi əməliyyata başlayıb. Türkiyə qırıcıları Metina, Zap və Avaşin bölgələrinə hava zərbələri endirib. Hulusi Akarın sözlərinə görə, əməliyyatın birinci mərhələsinin məqsədlərinə nail olunub. Mülki əhalinin ölümünün, ətraf mühitin, mədəni və dini obyektlərin zədələnməsinin qarşısını almaq üçün əməliyyat maksimum diqqətlə icra olunur.