Dövlət Departamenti: Türkiyəyə qarşı sanksiya tətbiq edilə bilər

Suriyada sülhü təmin etmək üçün bütün diplomatik imkanlarını ortaya qoyan Türkiyə və Rusiyanın qarşılıqlı əməkdaşlığı ilə bağlı ABŞ-dan mühüm açıqlama gəlib. 

ONN media "Haber7"yə istinadla xəbər verir ki, ABŞ dövlət katibinin köməkçisi Uess Mitçel Türkiyə ilə Rusiya arasında Suriya böhranı ilə əlaqədar bağlanan hərbi müqavilələrin narahatlıq yaratdığını açıqlayıb.

Mitçel Rusiyadan "S-400" raket əleyhinə müdafiə sistemləri almağa hazırlaşan Türkiyəyə qarşı sanksiya tətbiq edilə biləcəklərini bildirib: "Türkiyə ABŞ-la müttəfiq olmasına baxmayaraq, Rusiya və İranla əməkdaşlığı gücləndirib. Halbuki, Ankaranın Qərblə strateji və siyasi əməkdaşlığını qoruması Türkiyə və ABŞ-ın milli maraqlarına uyğun olar".