Gürcüstan və Ermənistan arasında yeni körpü tikintisinə başlanılıb. 

ONN media  xəbər verir ki,  “Dostluq” adlanan körpünün hansı şirkət tərəfindən tikiləcəyi də artıq məlum olub. 

Körpü Baqrataşen-Sadaxlı sərhəd qəsəbəsi ərazisində, Debed çayı üzərində qurulacaq. Bunun üçün Avropa Yenidənqurma və İnkişaf Bankı Gürcüstana 6 milyon avro məbləğində kredit ayırıb. Kreditin 50%-i Gürcüstana, 50%-i isə Ermənistana veriləcək.

Qeyd edək ki, körpünün tikintisinə dair saziş bu ilin yanvarında Yerevanda imzalanıb. Bildirilib ki, tikinti İran şirkətləri tərəfindən aparılacaq.