Bu gün İranın cənub-qərbində yerləşən Kohgiloye və Boyrəhməd vilayətində baş verən zəlzələdə xəsarət alanların sayı 80 nəfərə çatıb.

ONN media xəbər verir ki, Vilayətin fövqəladə hallar qərargahının rəisi Əli Vəfayi Moqəddəm bildirib ki, zəlzələ zamanı insan tələfatı olmayıb. Xəsarət alanlar isə yerli xəstəxanada müayinə olunduqdan sonra evə buraxılıb. Onun sözlərinə görə, vilayətin bəzi yollarına və kəndlərdəki bir sıra evlərə zərər dəyib.