İrəvanda etirazlar yenidən qızışıb.

ONN media Ermənistan mətbuatına istinadən xəbər verir ki,  etiraz aksiyasına səbəb məhkəmənin "Sasna tsrer" silahlı qrupu üzvlərinin vəsatətini təmin etməməsi olub.

Əhali sözügedən qrupun üzvlərinin azad edilməsini tələb edərək Arşakunyats prospektini bağlayıblar.

Qeyd edək ki, 2016-cı ilin iyulunda Ermənistan Polisinin Patrul-mühafizə polkunun Erebuni rayonunda yerləşən binasını zəbt edən "Sasna tsrer" silahlı qrupunun üzvləri iyulun 31-də polisə təslim olublar. Onlar Ermənistan prezidenti Serj Sarkisyanın istefa verməsini, həbsdə olan təşkilatın lideri və “Təsis parlamenti”nin  sədri Jirayr Sefilyanın azadlığa buraxılmasını tələb ediblər. İki həftə davam edən qarşıdurma nəticəsində 3 polis əməkdaşı ölüb, 6-sı yaralanıb. Silahlı qrup üzvləri barəsində məhkəmə prosesi 2017-ci il,  iyunun 8-də başlayıb. Bir neçə nəfər artıq həbs cəzası alıb.