ONN media xarici KİV-ə istinadən xəbər verir ki, prokurorun tələbini yerinə yetirən Bişkek Pervomay Rayon Məhkəməsi İsakovun tutularaq iki ay müddətində Milli Təhlükəsizlik Komitəsinin həbsxanasında saxlanılmasına qərar verib. Təhlükəsizlik qüvvələrinin iştirakı ilə məhkəmə zalından çıxan İsakov, jurnalistlərə açıqlamasında məhkəmənin qərarını ədalətsizlik adlandırıb.

Qeyd edək ki, Sapar İsakov eks prezident Almazbek Atambayevin hakimiyyəti dövründə, prezidentin xarici əlaqələr bölməsinin rəhbəri olan zaman Bişkek Mərkəzi İstlik Qurumunun yenilənmə layihəsini xarici şirkətin üzərinə götürə bilməsi üçün siyasi nüfuzundan istifadə etməkdə günahlandırılır. Bu ilin yanvarında Bişkek Mərkəzi İstlik Qurumu tərəfindən səbəbi hələ də müəyyən edilməyən qəza nəticəsində paytaxdakı mənzillər, xəstəxanalar, məktəblər və uşaq bağçaları 5 gün müddətində su və istilik xidmətindən istifadə edə bilməyib.

Hadisə nəticəsində araşdırmaya başlayan Milli Təhlükəsizlik Dövlət Komitəsinin təşəbbüsü ilə başlayan korrupsiya istintaqı çərçivəsində təşkilatın rəhbərləri və yüksək vəzifəli şəxsləri, habelə Enerji Holdinqin sabiq prezidenti Aybek Kaliyev və keçmiş bələdiyyə sədri Kubançbek Kulmatov tutulub.

Qeyd edək ki, Qurumun yenidən çalışması üçün işlər Çin hökuməti tərəfindən verilən 386 milyon dollarlıq kreditlə yeni Çin şirkəti tərəfindən tamamlanmışdı.