Almaniyanın Qaçqınlar və Mühacirlər üzrə Federal İdarəsi (BAMF) qalmaqallı olayla sarsılıb.

ONN media alman mətbuatına istinadən xəbər verir ki, idarənin Bremendəki şöbəsinin minlərcə insana qanunsuz olaraq qaçqın və mühacir statusu verildiyi ortaya çıxıb. Almaniya Daxili İşlər Nazirliyi qaçqın statusunun müəyyən miqdar rüşvət qarşılığında verildiyindən şübhələnir. Müəyyən edilib ki, Bremenin Hildshaym rayonunda bir vəkil min avro məbləği qarşılığında bəzi şəxslərə qaçqın və mühacir statusu verilməsini təşkil edirmiş.

Bremendə İraqadan gələn şəxslərin 94 faizinə qaçqın stausu verilib. Qalmaqalın əsas  qəhrəmanı sayılan Bremen BAMF idarəsinin sabiq müdirəsi 'Ulrika B'nin də  bu işin içində olduğu müəyyənləşdirilib. Sabiq müdirənin 1200-dən çox şəxsə qanunsuz olaraq qaçqın və mühacir statusu verdiyi müəyyən edilib. Qaçqın və mühacir statusu alanların bir çoxunun ekstremist təşkilatlarla əlaqəsi olduğu bildirilir. İdarənin bəzi əməkdaşları bu şəxslərin qaçqın və mühacir statusu almalarını " təsadüf" olaraq qiymətləndiriblər.