Pakistanın Peşavar şəhərində kamikadze terrorçu üzərindəki bombanı işə salıb.

ONN media xəbər verir ki, terror aktı “Avami” partiyasının iclasında baş verib. İnsident nəticəsində 20 nəfər həlak olub, 62 nəfər isə xəsarət alıb.

Ölənlər arasında partiyanın lideri Harun Bilur və onun oğlu Daniyal Bilur var.

Yaralılar yaxınlıqdakı xəstəxanalara yerləşdirilib. Hələlik hücuma görə heç bir terrorçu qruplaşma məsuliyyəti öz boynuna götürməyib.