Ermənistanın Apelyasiya Məhkəməsi avqustun 9-da sabiq prezident Robert Koçaryanın həbsi ilə bağlı şikayətinə baxacaq.

ONN media  xəbər verir ki, bu haqda onun vəkili Aram Orbelyan bildirib.

Qeyd edək ki, Xüsusi İstintaq Xidməti 26 iyulda 1 mart 2008-ci il etiraz aksiyalarının dağıdılması haqqında cinayət işi çərçivəsində Koçaryana konstitusiya quruluşunun devrilməsi üzrə ittiham təqdim edib. Sabiq prezident bir gün sonra iki aylıq həbs edilib.

Koçaryanın özü ittihamları saxta hesab edir. Sabiq prezidentin fikrincə, bu, növbədənkənar parlament seçkiləri ərəfəsində siyasi proseslərdə onun iştirakını neytrallaşdırmaq arzusu ilə bağlı ola bilər. Koçaryanın vəkilləri həbsdən apelyasiya məhkəməsinə şikayət ediblər.