Rusiya prezidenti Vladimir Putin ABŞ-ın Rusiyaya qarşı yeni sanksiyalarını mənasız adlandırıb.

ONN media xəbər verir ki, Rusiya lideri bu haqda Finlandiya prezidenti Sauli Niinistö ilə danışıqlardan sonra mətbuat konfransında bildirib.

Prezident ümid etdiyini bildirib ki, ABŞ belə siyasətin mənasız olduğunu anlayacaq və Moskva ilə normal rejimdə əməkdaşlığa keçəcək.

Qeyd edək ki, ötən gün Vaşinqton yüz milyonlarla dollar Rusiya aktivlərini bloklayıb. ABŞ həmçinin, iki rusiyalını və bir şirkəti kibersanksiyalar üzrə siyahıya salıb. Mandelker Senatda çıxışı zamanı bildirib ki, Moskva öz davranışını dəyişmədiyi müddətdə, ABŞ Rusiyaya qarşı sanksiyalar tətbiq etməyə davam edəcək.

ABŞ Senatının xarici işlərüzrə komitəsində keçirilən dinləmələrdə çıxış edən dövlət katibinin Avropa və Avrasiya işləri üzrə köməkçisi Uess Mitçell də bildirib ki, Moskva öz xarici siyasət kursunu dəyişmədiyi müddətdə, Amerika hökuməti Rusiya barəsində birtərəfli sanksiyalar rejimini ardıcıllıqla kəskinləşdirmək niyyətindədir.

“Rusiyanın təcavüzü ilə əlaqədar görünməmiş cəza ölçüləri tətbiq edərək, biz çatdırırıq ki, Rusiya prezidenti Vladimir Putin etibara səbəb olan konstruktiv addımlar atmağa qərar verərsə, dialoq üçün qapı açıqdır. Biz iki ölkənin gücləri arasında toqquşmalardan qaçmaq üçün Suriyada deeskalasiya kanallarını yaratdıq. Rusiyanın Minsk razılaşmaları çərçivəsində öz öhdəliklərini yerinə yetirə bilməsi üçün Ukraynada Kurt Volkerlə səylərə təşəbbüs edirik”, - o deyib.

Onun sözlərinə görə, bütün bu məsələlərdə növbəti addımı ABŞ deyil, Rusiya atmalıdır.