Sergey Skripalın zəhərlənməsi olayı ilə bağlı London Rusiyaya qarşı yeni sanksiyaların tətbiqini nəzərdən keçirir.

ONN media xəbər verir ki, bu sözləri Böyük Britaniyanın BMT-dəki nümayəndəsi Karen Pirs deyib.

"Biz partnyorlarımızla hansı addımların atılacağını müzakirə edəcəyik", - deyə diplomat bildirib.

Qeyd edək ki, martın 4-də Rusiya Baş Kəşfiyyat İdarəsinin keçmiş əməkdaşı Sergey Skripal və onun qızı Yuliya Skripalı İngiltərənin Solsberi şəhərində zəhərləyiblər.

London bu cinayətdə Moskvanı ittiham etsə də, Kreml bu iddiaları rədd edir.