Rusiyanın İnquşetiya subyektində əhali etiraz aksiyalarına başlayıb.

ONN media xəbər verir ki, buna səbəb İnquşetiya torpaqlarının Çeçenistana verilməsidir.

SSRİ-nin dağılmasından sonra Çeçenistanla İnquşetiya arasında sərhəd xəttinə görə qarşıdurma başlayıb.

Sentyabrın 26-da İnquşetiya və Çeçenistan rəhbərliyi sərhədlə bağlı razılığa gəlib və inquşlara məxsus torpağın bir qismini çeçenlərə verib.

İnquşetiya rəhbərliyi bu razılaşmanı uğurlu adlandırsa da, əhali buna etiraz edir. Dünən axşam saatlarında əhali parlament binasının önünə toplaşıb. Səhərə qədər binanın önündə qalan etirazçıların aksiyası davam edir.

Paytaxt Maqasa polis qüvvələri və xüsusi təyinatlılar yeridilib, lakin etirazçılar “dağılışın” xəbərdarlığını qəbul etməyiblər.

Hazırda inquşlar şəhərin küçələrində etiraz aksiyası keçirir.