İranda Sistan-Bəlucistan vilayətində qum fırtınası olub.

ONN media ölkə.az -a istinadən xəbər verir ki, hadisə nəticəsində 150 insan xəsarət alıb. 

Vilayətin Fövqəladə Vəziyyətlərin İdarə Olunması İdarəsinin rəisi Əbdülrəhman Şahnaziyənin verdiyi məlumata görə, oktyabrın 6-da başlayan fırtına ev təsərrüfatlarına ziyan vurub. Fırtınanın gücü saatda 140 kilometrə çatıb. 145 nəfər fırtına nəticəsində ürək, göz və nəfəs yollarında yaranan problemlə əlaqədar xəstəxanaya müraciət edib. Onlardan 27-nin vəziyyəti ağır olduğu üçün xəstəxanaya yerləşdirilib. Qalanlarına isə tibbi yardım göstərilərək evə buraxılıb.

Əhaliyə oktyabrın 9-da ehtiyac olmadıqda evdən çıxmamaq barədə müraciət edilib.