Türkiyənin Ədalət və İnkişaf partiyası sədrinin müavini Numan Kurtulmuş səudiyyəli jurnalist Camal Qaşıqçının Səudiyyə Ərəbistanının İstanbuldakı konsulluğunda yoxa çıxması ilə əlaqədar aparılan araşdırmanı şərh edib.

ONN media Oxu.Az-a istinadla xəbər verir ki, Kurtulmuş Türkiyənin heç zaman Qaşıqçının qətlində müqəssirləri və sübutları gizlətməyəcəyini bəyan edib:

“Səudiyyə Ərəbistanı administrasiyası, günahı sübut olunacağı təqdirdə, yaxasını kənara çəkə bilməyəcək”.

Kurtulmuşun sözlərinə görə, Türkiyə hökuməti Qaşıqçının qətlinin sübutlarını bütün dünyaya təqdim edəcək. O bildirib ki, istintaq artıq başa çatmaq üzrədir.