ABŞ-ın Kaliforniya ştatında fəaliyyət göstərməyən Çin kafesinin bacasında sıxılmış vəziyyətdə qalan bir nəfər iki gündən sonra xilas edilib.

ONN media xarici mətbuata istinadən xəbər verir ki, San Lorenso polisi və fövqəladə hallar briqadası kafenin qapısı bağlı olduğu üçün obyektin damına çıxıb. Bu zaman bacadan inilti səsi eşidilib. Burada sıxılmış vəziyyətdə qalan kişi bir saatlıq xilasetmə əməliyyatından sonra çıxarılıb.

Adı açıqlanmayan 29 yaşlı şəxsin binaya oğurluq üçün girməyə çalışdığı ehtimal olunur.