Qazaxıstanın paytaxtı Astanada və ətraf qəsəbələrdə havanın qəfil pisləşməsi ilə bağlı fövqəladə vəziyyət elan olunub.

ONN media-nın məlumatına görə, şəhərdə temperaturun mənfi 25 dərəcəyə qədər enəcəyi barədə xəbərdarlıq edilib. Çovğunla bağlı məktəblər bağlanıb. İdarə və ofislərin fəaliyyətinin dayandırılması tövsiyyə olunub.

Nursultan Nazarbayev adına Beynəlxalq Hava limanının fəaliyyəti də bir neçə saatlıq dayandırılıb. Bundan əlavə, paytaxt istiqamətindəki mərkəzi yollarda avtomobillərin hərəkəti məhdudlaşdırılıb.