Xorvatiya parlamenti vahid Avropa valyutasına qoşulma haqqında qanun layihəsini qəbul edib. Beləliklə, gələn ildən Xorvatiya avrozonanın 20-ci ölkəsi olacaq.

Bu barədə “Aktuality” məlumat yayıb.

Bildirilib ki, ölkə parlamentində avroya keçidin lehinə 117, əleyhinə isə 13 deputat səs verib.

Avronun dövriyyəyə buraxılmasının əleyhdarları hesab edirlər ki, indi bu cür dəyişikliklər üçün münasib vaxt deyil, çünki bu, yoxsulluğun artmasına səbəb olacaq. 

26 aprel Mirəli Seyidovun vəfat etdiyi gündür

Xorvatiya hökuməti əmindir ki, ölkə üçün avronun dövriyyəyə buraxılması yalnız müsbət effekt verəcək. Onların proqnozlarına görə, bu, valyuta risklərini aradan qaldıracaq, faiz dərəcələrini aşağı salacaq, ölkənin kredit reytinqini yüksəldəcək və daha çox investisiya cəlb edəcək.

Qanuna əsasən, Xorvatiya sentyabrın 5-dən hər iki valyutada malların qiymətlərini yenidən hesablamağa başlayacaq. Xorvatiya və Avropa valyutalarının paralel mövcudluğu gələn il ərzində də davam edəcək. İndi ölkədə Xorvatiya kunası dövriyyədədir.

ONN İnformasiya Agentliyi
Çap Et