Hacıqabul rayonunda baş vermiş yol qəzası nəticəsində ana və qızı xəsarət alıb.

ONN media“Report”a istinadən xəbər verir ki, Bakı-Qazax avtomobil yolunun rayonun Atbulaq kəndi ərazisindən keçən hissəsində iki minik avtomobilinin toqquşması nəticəsində Şirvan şəhər sakini, Şirvan Diaqnostika Mərkəzinin 1967-ci il təvəllüdlü tibb işçisi Hüseynova Arzu İbiş qızı və onun 1990-cı il təvəllüdlü qızı Səlimova Fəridə Eldar qızı müxtəlif dərəcəli bədən xəsarətləri alıb.

Ana-bala Şirvan Şəhər Mərkəzi Xəstəxanasına çatdırılıb, ilk tibbi yardımdan sonra A.Hüseynova Travmatologiya şöbəsinə yerləşdirilib, qızı isə ambulator müalicəyə buraxılıb.

Faktla bağlı araşdırma aparılır.