Qətlə yetirilənlərdən biri Azərbaycan əsilli məşhur ilahiyyatçı-filosof, yazıçı və politoloq, mərhum Heydər Camalın oğlu, müstəqil jurnalist Orxan Camaldır.

ONN media xəbər verir ki, bu haqda TASS agentliyinə “Exo Moskva” radiostansiyasının baş redaktoru Aleksey Venediktov bildirdi.

O həmçinin dəqiqləşdirib ki, operator Kiril Radçenko və rejissor Aleksandr Rastorquyev Camalla birlikdə idilər.

Qeyd edək ki, 51 yaşlı Orxan Camal 2003-cü ildə Rusiya Müsəlman Jurnalistləri İttifaqının təşkilatçılarlndan biri olub. Elə həmin il “Travel”(səyahət) jurnalistikası sahəsindəki fəaliyyətinə görə, dünyanın ən yaxşı media nümayəndəsi adına layiq görülüb. O, dəfələrlə qaynar nöqtələrdə olub. 2008-ci ildə Rusiyanın Gürcüstana müdaxiləsi zamanı “5 günlük müharibənin xronikası” adlı kitab yazıb. 2011-ci ilin avqustunda Liviyada ayağından ciddi yara alıb.