Rəqqasə-aktrisa Oksana Rəsulova təqdim etməyə hazırlaşdığı “Oksana ilə Doysana” layihəsindən danışıb.

ONN media xəbər verir ki, musavat.com saytına açıqlama verən Oksana bildirib ki, sözügedən layihə internet üzərindən tamaşaçılara təqdim olunacaq: “Yeməklə restoranla bağlı layihədir. Yemək hazırlayacağam. Orada baş verənləri öz telefonumla çəkəcəyəm. “Facebook”, “İnsagram” və “Youtube” kanalında yayımlanacaq. Bundan başqa qonağım da olacaq. Maraqlı layihədir. Əgər tutarlı olsa, gələcəkdə televiziya versiyasını da təqdim edəcəyəm. Hər şey tamaşaçıların göstərəcəyi maraqdan asılıdır”.

Oksana “Maşın şoudan da bəhs edib. O, favoritinin olmadığını deyib: “Maraqsız deyil. “Maşın” şou həmişə mənim üçün maraqlı olub. İnanların strateji oyunlarını, mövqelərini izləyirəm. Özüm iki dəfə olmuşam. Favoritim yoxdur. Amma mənə elə gəlir ki, Xəyalə qalib olacaq, çünki çox dözümlü qadındır”.

Oksana oğlu Osmandan da danışıb: “Ana olmaq gözəl hissdir. Bilirsiniz, illərdir ki, ana olmaq arzum idi. Nəhayət, Allah mənə oğlumu qismət etdi. Yavaş-yavaş böyüyür. Mən də iş başına qayıtmışam. Düzdür, onu qoyub evdən çıxdığım üçün vicdan əzabı çəkirəm. Lakin iş də görmək lazımdır”.