İsti yay aylarında adi qara çay əvəzinə ərəb ölkələrindəki kimi əsl Şərq çayı - nanə çayı için. ONN media medicina.az-a istinadən bildirir ki, nanə çayı sərinləşdirir, təravətləndirir, güc verir, həzmi yaxşılaşdırır, mikrobları öldürür, əsəbləri sakitləşdirir. Kimlərə nanə çayı məsləhətdir? -Miqreni olanlara -Ürək-damar problemi -Nevrozlara -Qadın xəstəliklərində - menstruasiyanı bərpa edir, klimaksı yüngülləşdirir, qadın hormonlarını sabitləyir -Yorğunluq Kişilər bir qədər az içsə yaxşıdır, çünki kişi cinsi hormonlarını azaldır. Necə hazırlamalı? Dəm çaydanına 1 çay qaşığı təzə nanə yarpaqları, 1 çay qaşığı yaşıl çay əlavə edib, qaynar su əlavə edin. 10 dəqiqə dəmləyib, sonra limon qataraq için. Eləcə isti aylarda bu çaya buz qatıb, sərin də içmək olar.