Qaradağ rayonunda sərnişin avtobusu qəzaya uğrayıb.

Bakı Nəqliyyat Agentliyindən ONN media-ya verilən məlumata görə, 149 nömrəli müntəzəm marşrut xətti üzrə hərəkət edən 99 XX 165 nömrəli avtobus yolun hərəkət hissəsindən çıxaraq drenaj xəttinə düşüb.

Aparılan ilkin araşdırma zamanı məlum olub ki, hadisə iki minik avtomobilinin avtobusun qarşısına çıxması nəticəsində baş verib.

“Qəza zamanı bir nəfərin xəsarət aldığı bildirilir. Hazırda hadisə ilə bağlı araşdırma aparılır”, – məlumatda qeyd olunub.

TƏBİB: Qazaxda minaya düşən DSX hərbçisinin vəziyyəti ağırdır – YENİLƏNİB

Agentlikdən bildirilib ki, bəzi sosial şəbəkə istifadəçiləri tərəfindən məlum hadisənin ağır qəza kimi təqdim edilməsi və xeyli sayda yaralıların olması barədə məlumatlar həqiqəti əks etdirmir.

ONN İnformasiya Agentliyi
Çap Et