Çempionlar Liqasının 1/4 finalında keçiriləcək "Real" - "Yuventus" cavab oyunu üçün onlayn satışa çıxarılan biletlər rekord sayılacaq qısa müddət ərzində satılıb.

ONN media qol.az-a istinadən yaydığı xəbərə görə, dünən saat 10:00-da internet vasitəsi ilə satışa çıxarılan biletlərin hamısı cəmi 8 dəqiqəyə satılaraq qurtarıb.

81 min tamaşaçı tutumuna malik "Santyaqo Bernabeu" stadionunda keçiriləcək görüşdə "Yuventus"u 4 min azarkeşin dəstəkləyəcəyi gözlənilir.

Qeyd edək ki, bu komandalar arasında ilk oyun aprelin 3-ü Turində keçiriləcək