Futbol üzrə Misir yığmasının 45 yaşlı qapıçısı Essam əl-Hadari milli karyerasını başa vurub.

ONN media xəbər verir ki, o, Misir milli komandasının qapısını qoruduğu üçün çox xoşbəxt olduğunu bildirib.

“159 matçda bu yığmanın formasını geyinib, saysız-hesabsız uğurlar qazandığım üçün qürurluyam”, - qolkiper bildirib.

Qeyd edək ki, DÇ-2018-də 45 yaş 161 günlük ikən matça çıxan əl-Hadari mundial tarixində forma geyinən ən yaşlı futbolçu kimi tarixə düşüb.