ONN media xəbər verir ki, yük avtomobillərinin hərəkətinə dair qaydalara dəyişiklik edilib.

Moskvada yük avtomobillərinin hərəkətinə dair qaydalara edilmiş dəyişiklik məhsulların qiymətlərinin artmasına və onların tədarükündə axsamalara gətirib çıxara bilər.

Bu səbəbdən Moskva meri Sergey Sobyaninə bir sıra biznes assosiasiyaları xəbərdarlıq edib.

Yanvarın 14-də merin qəbul etdiyi yük maşınlarının hərəkət qaydalarının dəyişdirilməsi haqqında fərmanı qüvvəyə minib. Şəhərə daxil olmağa icazə verən ərizənin verilməsi qaydası mürəkkəbləşdirilib. Buraxılış ayda iki dəfə 5 günlüyünə tərtib olunur.

Səhər saat 6-dan 22-yə kimi Moskva dairəvi avtomobil yoluna 12 tona qədər yükqaldırma qabiliyyəti olan nəqliyyat vasitəsi və üçüncü nəqliyyat şəbəkəsinə bir tona qədər yükdaşıma qabiliyyəti olan nəqliyyat vasitələrinin daxil olması qadağan edilib.

Rusiyanın Ərzaq İttifaqı, pərakəndə ticarət şirkətlərinin asosiasiyası, nəqliyyat və logistika üzrə ekspertlərin milli ittifaqı, digər ticarət, sənaye və nəqliyyat və logistika şirkətləri məktub imzalayıb.

Məktubda bildirilir ki, yeni qaydalar logistika problemləri yaradacaq, çatdırılma xərclərini və tədarük həcmini artıracaq.

Maraqlısı ondadır ki, yük avtomobillərinin sahiblərinin Moskvanın mərkəzinə hansı üsullarla yükün çatdırılması barədə heç bir təsəvvürləri yoxdur. Üstəlik sakitlik qanununa görə də gecələr yükdaşıma qadağan edilib.

Bu səbəbdən ərzağın qiyməti bahalaşa və sosial narazılıqların yaranmasına gətirib çıxara bilər.AzNews.az