Hökumət ABŞ ilə müzakirə fürsətini qaçırmayıb və qaçırmayacaq. Ölkəni idarə etmə məsuliyyətim olduğu müddətcə problemləri həll etmək üçün hüquqi və şərəfli müzakirə üçün hazırıq”.

ONN media xəbər verir ki, bunu İran prezidenti Həsən Ruhani deyib.

IRNA rəsmi xəbər agentliyinin məlumatına görə, Ruhani Nazirlər Kabinetinin toplantısındakı çıxışında ABŞ ilə müzakirə üçün yaşıl işıq yandırıb.

Prezident bildirib ki, müzakirə adına masaya təslim olmuş formada oturmayacaqlar. Başçısı olduğu hökumət bu günə qədər hər zaman problemləri həll etmək üçün təşəbbüslər göstərib.