Feysbuk kompaniyası 5 milyard ABŞ dolları məbləğində cərimə ödəməli olacaq.

ONN media xəbər verir ki, bu bardə ABŞ-ın Ticarət üzrə Federal Komissiyasından bildirilib.

“"Feysbuk İnc” 5 milyard dollarlıq rekord məbləğdə cərimə ödəyəcək, həmçinin yeni məhdudiyyətləri yerinə yetirmək və korporativ quruluşunu dəyişmək öhdəliyi daşıyacaq”, - məlumatda deyilir.

Xatırladaq ki, Feysbuk Trampla əməkdaşlıq edən “Cambridge Analytica” şirkətinə şəbəkə istifadəçilərinin şəxsi məlumatlarını qanunsuz şəkildə verilməsində günahlandırılır. Bu yolla “Cambridge Analytica” seçicilərin siyasi fikirlərini qiymətləndirir və onlara uyğun olan siyasi reklamlar göndərirmiş.