Ötən gün Avropa Liqasında III təsnifat mərhələsinə start verilib. ONN media xəbər verir ki, SOCAR-ın sponsorluq etdiyi Gürcüstanın “Saburtalo” klubu Ermənistanda “Ararat”la qarşılaşıb. Lakin qarşılaşma Ermənistan telekanalları vasitəsiylə canlı yayımlanmayıb. Buna isə gürcü komandasının formasının üzərində Azərbaycan Dövlət Neft şirkəti olan SOCAR-ın adının yazılması səbəb olub. Ermənistan telekanallarının qeyri-peşəkarlığı sosial şəbəkələrdə tənqid olunub. Qeyd edək ki, İrəvanda keçirilən qarşılaşmada “Saburtalo” 2:1 hesablı qələbə qazanıb.