İraqın Baş naziri Adil Əbdülmehdi ölkədə davam edən etiraz aksiyaları fonunda istefa verməyə hazırlaşdığını bəyan edib. ONN media xəbər verir ki, Əbdülmehdi öz qərarını İraqın zorakılıq və xaos girdabına yuvarlanmasına yol verməməyə çalışması ilə əsaslandırıb. Xatırladaq ki, oktyabrın 1-də İraqda həyat şəraitinin yaxşılaşdırılması, səhiyyə, təhsil sahələrində, əmək bazarında, həmçinin korrupsiya ilə mübarizədə mövcud problemlərin həlli tələbi ilə etiraz aksiyaları başlayıb. Nümayişçilərin əsas tələblərindən biri də Baş nazir Adil Əbdülmehdinin istefasıdır. Paytaxt İraqda və bəzi əyalətlərdə keçirilən dinc etiraz aksiyaları sonradan iğtişaşlara çevrilib. Son məlumatlara görə, mitinqlərin başlanğıcından indiyədək polislə toqquşmalarda 400-dən çox insan həlak olub, 15 mindən artıq insan isə müxtəlif dərəcəli xəsarətlər alıb.