Ukrayna prezidenti Vladimir Zelenski "Donbasın xüsusi statusunun uzadılması haqqında" qanuna imza atıb. ONN media xəbər verir ki, bundan əvvəl Ukrayna parlamenti qanunu növbəti ilin 31 dekabrına qədər uzatmışdı. "Donbasın xüsusi statusu haqqında" qanun 2014-cü ildə qəbul olunub. Lakin hələ ki, qüvvəyə minməyib. Qanun layihəsi Konstitusiya Məhkəməsinə təqdim edilib, lakin məhkəmə qərarı yoxdur. Xatırladaq ki, Ukrayna ordusu 2014-cü ilin aprelində Luqansk və Donetskdə hərbi əməliyyata başlayıb. Donbasda vəziyyətin tənzimlənməsi Minskdə keçirilən görüşlərdə də müzakirə edilir. Məsələn, bu ilin sentyabrında keçirilən görüşdə münaqişənin həlli istiqamətində 3 sənəd qəbul edilib. Oktyabrda isə "Ştaynmayer formulu" razılaşdırılıb. Həmin formul Ukrayna konstitusiyasına əsasən, Donetsk və Luqansk bölgələrində seçkilərin keçirilməsini nəzərdə tutur. Rusiya XİN Kiyevin bu addımını dəstəkləyir.