"Martın sonunadək, təqribən 1 həftəyə Azərbaycanda maska istehsal edən müəssisə işə başlayacaq. Müəssisənin gündəlik maksimal istehsal gücü 200 min maskadır". ONN media xəbər verir ki, bu barədə Azərbaycan Respublikasının Nazirlər Kabinetinin Mətbuat xidmətinin rəhbəri İbrahim Məmmədov məlumat verib. O bildirib ki, son 1 ayda Azərbaycanda ən çox maska satılan gün 200- 210 min ədəd olub: "Odur ki, gündəlik 200 min maska istehsalı tələbatı ödəyəcək. Paralel olaraq idxal və depolarda ehtiyatlar da var".