Turinin “Yuventus” futbol klubunun hücumçusu Kriştiano Ronaldo ötən il ərzində İnstaqram sosial şəbəkəsində ən çox gəlir əldə etmiş idmançıların siyahısında lider olub. ONN media  bildirir ki, bu barədə “Foxsports” xəbər verib. Nəşrin məlumatına görə, forvardın ümumi gəliri 50,3 milyon dollar təşkil edib. İl ərzində o, sosial şəbəkədə 43 reklam paylaşımı edib və hər biri üçün 1,17 milyon dollar alıb. Beləliklə, Ronaldonun İnstaqramdakı gəliri onun “Yuventus”dakı qazancından çox olub. Turinlilərlə müqaviləyə əsasən o, 33 milyon dollar alır.

İkinci yerdə 30,4 milyon dollar gəlirlə “Barselona”nın hücumçusu Lionel Messi qərarlaşıb. İlk üçlüyün sonuncusu hindistanlı kriket oyunçusu Virat Kohli olub (15,7 milyon). Reytinqin dördüncüsü Devid Bekhem (11,6 milyon), beşincisi isə Neymar (8,1 milyon) olub.