Tanınmış idman aparıcısı Ürfan Məmmədli çalışdığı "CBC Sport" telekanalındakı işindən ayrılıb.

ONN media xəbər verir ki, bu barədə aparıcı özü məlumat verib: "5 ildir bir parçası olduğum "CBC Sport" ilə artıq yollarımız ayrıldı. Yarandığı ilk gündən burada olmaq, hər bir yeniliyə, hər bir sürprizə canlı şahidlik etmək xoş idi. "CBC Sport" ilə unudulmaz anlarım çoxdur. Xoş xatirələrim saysız-hesabsızdır. Burada öyrənərək öyrətdim. Burada yeni insanlar tanıdım, yeni dostlar qazandım. Hər şey üçün "CBC Sport"a və ordakı gözəl insanlara minnətdaram. Nə yaxşı varsınız, nə yaxşı sizi tanıdım. Ayrılıqlar çətin olsa da, həyat qaldığı yerdən davam edir. Bir müddət dincəlmək, daha sonra yeni hədəflər və təkliflər haqqında düşünmək lazımdır. Maraqlanan hər kəsə dərin təşəkkürümü bildirirəm".(milli.az)