"Made in Azerbaijan" brendi dünyanın müxtəlif ölkələrində təbliğ olunacaq.

ONN media xəbər verir ki, bunu "İrimiqyaslı idman yarışlarının keçirilməsinin ölkəyə faydaları - 2019" adlı konfransda Azərbaycan Turizm Bürosunun baş icraçı direktoru Florian Zenqstşmid deyib.

F.Zenqstşmid bu məqsədlə hazırlanan videoçarxın Çin, Birləşmiş Ərəb Əmirlikləri, Rusiya, Böyük Britaniya, Hindistan kimi ölkələrdə yayımlanacağını vurğulayıb.

Qeyd edək ki, Bakı şəhər Halqası Əməliyyat Şirkətinin (BŞH) təşkilatçılığı ilə "İrimiqyaslı idman yarışlarının keçirilməsinin ölkəyə faydalar - 2019" adlı konfransa gənclər və idman naziri Azad Rəhimov, "Formula 1" Şirkətlər Qrupunun baş icraçı direktoru və idarə heyətinin sədri Çeyz Kerri, BŞH-nın icraçı direktoru Arif Rəhimov və digər şəxslər qatılıblar. 

Xatırladaq ki, bu gün BŞH ilə "Formula 1" Şirkətlər Qrupu arasında 2023-cü ilə qədər yeni müqavilə imzalanıb.