ONN media xəbər verir ki, Mirşahin Ağayevin rəhbərlik etdiyi yaradıcı heyət FHN nazirinin müavini Etibar Mirzəyev və FHN-nin Tikintidə Təhlükəsizliyə Nəzarət Dövlət Agentliyinin rəis müavini Təyyar Hüseynlinin də olduğu, Fövqəladə Hallar Nazirliyinin ayırdığı xüsusi helikopterlə Şamaxı şəhərinə yollanıb. 

 

Yaradıcı heyət prezident İlham Əliyevin baş çəkdiyi fəlakətdən zərər çəkən evlərdən birində olub. Mirşahin Ağayev həmin evin artıq rayonda "prezidentin əlini öpdüyü qadının həyəti” kimi tanındığını bildirib. 

 

Evin sahibəsi, ağbirçək isə dövlət başçısı ilə görüşünü belə xatırlayıb: "Allaha inandığım  kimi inandım ki, o, gələcək. Yanıma gələndə istədim ayağa qalxım, lakin çiyinlərimdən tutub məni oturtdu. Sonra da üzümdən, alnımdan, gözlərimdən öpdü. Soruşdum ki, bəs xanımın hardadır? Dedi ki, xanımım Allah qoysa, ev hazır olanda gələcək”.