Türkiyənin Cərrahpaşa bölgəsində türkiyəli biznesmeni öldürməkdə şübhəli Ermənistan vətəndaşları həbs edilib. ONN media bildirir ki, türkiyəli biznesmen Vedat Yöngel fevralın 16-da üstündə 10 min dollar pulla evdən çıxıb və ondan bir müddət xəbər alınmayıb. Yöngelin oğlanları atalarından xəbər ala bilmədikləri üçün polisə şikayət ediblər. Vedat Yöngelin oğlu Sedat Yöngel atasının itkin düşməsində evlərinə təmizliyə gələn Ermənistan vətəndaşı Stella M-dən şübhələndiyini bildirib. Polis Vedat Yöngeli tapmaq üçün araşdırmaya başlarkən Stella.M ailəsi ilə birlikdə Gürcüstandan Tiflisə, oradan da Ermənistana qaçıblar. Cinayətkarlar mərhumun oğluna mesaj ataraq “Sedat, get bizim evə atan ordadır”-mesajını göndəriblər. Hadisə yerinə basqın edən polis evin hamam otağında Vedat Yöngelin cəsədini tapıblar. Onun gözündən və əlindən vurularaq öldürüldüyü məlum olub. Cəsəd araşdırılmaq üçün Tibbi Ekspertiza Mərkəzinə göndərilib. Polis cinayətkarların başqa erməni ailəsindən dəstək aldıqlarını müəyyən ediblər. Məlum olub ki, cinayət silahı adları açıqlanmayan ermənistan vətəndaşları tərəfindən dənizə atılıb və cinayətkarlar aeroporta çatdırılıb. Hərəkətə keçən Türkiyə polisi cinayətkar və yardımçılarını həbs edib.