Türkiyə S-400 sistemlərinin ikinci partiyasının tədarükünə dair Rusiya ilə danışıqlar aparmağa davam edir. ONN media  xəbər verir ki, bunu Türkiyənin müdafiə naziri Hulusi Akar deyib. “Ankara üçün Rusiyanın S-400 sistemlərini almaqdan imtina etmək problemli olardı. Ümid edirik ki, bu mövzu ilə bağlı ABŞ-la fikir ayrılıqlarımız dialoq yolu ilə həll oluna bilər”, – o bildirib. Xatırladaq ki, Türkiyə Müdafiə Sənayesi İdarəsinin rəhbəri İsmayıl Dəmir bir neçə gün öncəki açıqlamasında S-400 komplekslərinin ikinci partiyası üçün birgə istehsal və texnologiyanın verilməsini istədiklərini açıqlamışdı.