Gecə süni işıq altında yatmaq ürək-damar xəstəlikləri riskini artıra bilər.
ONN media xəbər verir ki, bu barədə kardioloq Ehimen Aneni xarici KİV-ə açıqlamasında bildirib.
O qeyd edib ki, bu yaxınlarda JAMA Network Open jurnalında dərc olunan bir araşdırmada işıq yanan otaqda yatmağın ürək çatışmazlığı, koronar ürək xəstəliyi, miokard infarktı və insult riskini artıra biləcəyi aşkar edilib.
Həkimin sözlərinə görə, bu, işığa məruz qalmaq sirkadian ritmini (gecə-gündüz rejimi) poza və yuxu müddətini azalda bilir.
Həkim həmçinin qeyd edib ki, qadınların işığa bağlı sirkadian ritm pozğunluqlarına kişilərə nisbətən daha həssasdırlar. O, həmçinin qeyd edib ki, gecə növbələrində işləyən qadınlarda ürək çatışmazlığı halları kişilərə nisbətən daha yüksəkdir.