Mayın 8-12-də Portuqaliyanın paytaxtı Lissabonda keçiriləcək “Avroviziya” mahnı müsabiqəsinə qatılan ölkələrin 22-si təmsilçisini müəyyən edib. ONN media siyahını diqqətə çatdırır:

Albaniya – Yevqent Buşpepa

Avstraliya – Cessika Mauboy

Avstriya – Sezar Sempson

Azərbaycan – Aysel Məmmədova

Belçika – Laura Qruseneken

Böyük Britaniya – Suzanna Mariya Kork

Çexiya – Nikolas Cozef

Danimarka – Conas Rasmussen

Finlandiya – Saara Aalto

Fransa – Madam Bonsior

Gürcüstan – “İriao” qrupu

Xorvatiya – Franka Bateliç

Niderland – Ueylon (Villem Beykerk)

İrlandiya – Rayan O’Şonessi

İspaniya – Alfred Qarsiya və Amaya Romero

İsrail – Netta Barzilay

İsveçrə – “Zibbz” qrupu

İtaliya – Ermal Meta və Fabrisio Moro

Kipr – Eleni Fureyra

Makedoniya – Eye Cue

Malta – Kristabell Borq

Rusiya – Yuliya Samoylova.

1-ci yarımfinalda (8 may) Albaniya, Avstriya, Azərbaycan, Belarus, Belçika, Bolqarıstan, Çexiya, Ermənistan, Estoniya, Finlandiya, Xorvatiya, İrlandiya, İslandiya, İsrail, İsveçrə, Kipr, Litva, Makedoniya, Yunanıstan mübarizə aparacaq.

2-ci yarımfinalda (10 may) Avstraliya, Danimarka, Gürcüstan, İsveç, Latviya, Macarıstan, Malta, Moldova, Monteneqro, Niderland, Norveç, Polşa, Rumıniya, Rusiya, San Marino, Serbiya, Sloveniya, Ukrayna təmsilçiləri çıxış edəcək.

Hər yarımfinaldan 10 iştirakçı finala (12 may) adlayacaq. Ev sahibi Portuqaliya ilə yanaşı Almaniya, Böyük Britaniya, Fransa, İspaniya, İtaliya finala birbaşa vəsiqə alıblar.

Azərbaycan Avropa Yayım Birliyinin 1956-cı ildən keçirdiyi “Avroviziya” musiqi yarışına 2008-ci ildən qatılır. 2008-ci ildə Elnur Hüseynov və Samir Cavadzadə 8-ci yerdə, 2009-cu ildə Aysel Teymurzadə və Araş 3-cü yerdə, 2010-cu ildə Səfurə Əlizadə 5-ci yerdə, 2011-ci ildə Nigar Camal və Eldar Qasımov 1-ci yerdə, 2012-ci ildə Səbinə Babayeva 4-cü yerdə, 2013-cü ildə Fərid Məmmədov 2-ci yerdə qərarlaşıb.

2014-cü ildə təmsilçi Dilarə Kazımova 22-ci yeri, 2015-ci ildə Elnur Hüseynov 12-ci yeri, 2016-cı ildə Səmra Rəhimli 17-ci yeri, 2017-ci ildə Diana Hacıyeva 14-cü yeri tutub.