Tanınmış iş xanımı Ruhi Əliyevaya vəzifə verilib.

ONN media xəbər verir ki, o, “Həyat” Fondunun səfiri seçilib.

Bu barədə məlumat “Hər şey daxil” verilişində yer alıb.

Belə ki, fondun prezidenti Hacı Nuran Hüseynov canlı efirdə Ruhiyə sürpriz edib:

“20 ilə yaxın vaxt ərzində Ruhi həmişə yanımızda olub. İnsanlara kömək edib. Ona görə də biz Ruhi xanımı “Həyat” fondunun səfiri seçirik. Birinci səfir odur, başqa səfirlərimiz də olacaq. Təmiz qızıldan olan bu döş nişanını da ona hədiyyə edirik”.

Ruhi isə bundan xəbərsiz olub. O, həyəcanını gizlətməkdə çətinlik çəkib.