Aktyor Azər Baxşəliyevin “Bozbash pictures”in yeni bölümlərində artıq rol almaması diqqət çəkib.

ONN media xəbər verir ki, “Ağsaqqal” obrazını canlandıran Azər son üç bölümdə yer almayıb.

Onun yoxluğu sosial şəbəkədə də müzakirələrə səbəb olub. Belə ki, “Bozbash pictures”in paylaşımlarında Ağsaqqallın olmaması ilə bağlı yaradıcı heyətə suallar ünvanlanıb. 

Bəziləri isə A.Baxşəliyevlə komanda arasında narazıçılıq olduğunu, onun bu səbəbdən ayrıldığını qeyd edib. Onlar hətta ATV-nin Novruz bayramı münasibətilə edilən çəkilişlərdə də bir araya gəlməyiblər.

Aktyor İlkin Həsəni əməkdaşımızla söhbətində Azərin layihədən uzaqlaşmasının səbəbini açıqlayıb:

"Hazırda Azərin başı toy hazırlıqlarına qarışıb. Bir az işləri var. Dostluğumuz davam edir. Gələcəkdə yenidən layihəyə qayıdacaq".