Ümumiyyətlə, əgər bir problem varsa, gec-tez onun bir nəticəsi olmalıdır. Nəticənin müsbət və ya mənfi olması ikinci məsələdir, əsas odur ki, reaksiya var.
ONN media xəbər verir ki, bu sözləri bir müddət əvvəl Mədəniyyət Nazirliyi ilə bağlı qalmaqallı açıqlamasıyla gündəmə gələn müğənni Nura Suri sosial şəbəkədə yazıb.
O, nazirliyə çağırıldığını bildirib:
“Mədəniyyət Nazirliyinə yazdığım ərizəmi nə məktubla, nə də e-mail ilə cavablandırdılar. Məni 10 dekabrda nazirliyə dəvət edib müəyyən məsələləri müzakirə etdilər. Problemlərin tam həll olunub-olunmadığına hələ əmin deyiləm, amma bu da bir nəticədir.
Bu aktivliyin özü – həm mənim, həm də sənət dostlarımın qaldırdığı məsələlərin və səsimizin nəticəsidir. Bu da bir nəticədir”.
Qeyd edək ki, Nura Suri, müğənni Almaxanım Əhmədova və bir çox sənət adamı dövlət tədbirlərinə dəvət olunmadıqları ilə bağlı qalmaqallı açıqlama vermişdilər.