Ölkədə mövcud epidemioloji vəziyyət təhlil edilərək müəyyən vaxt çərçivəsində ciddi karantin rejiminə qayıtmaqla bağlı qərar qəbul edilib. ONN media  xəbər verir ki, bu barədə Xarici İşlər Nazirliyinin (XİN) Mətbuat xidməti idarəsinin rəisi, Nazirlər Kabineti yanında Operativ Qərargahın nümayəndəsi Leyla Abdullayeva bu gün keçirilən brifinqdə məlumat verib. Onun sözlərinə görə, 21-iyundan 5-iyul tarixinədək (5 iyul səhər saat 6-dək) Bakı, Sumqayıt, Gəncə, Yevlax, Lənkəran, Abşeron, Masallı şəhərlərində xüsusi icazə əsasında – SMS icazə sistemi ilə evdən çıxmağa icazə veriləcək. Bunun hansı sahələrə aid ediləcəyi ilə bağlı isə Qərargahın sabah keçirilən brifinqində ətraflı açıqlama veriləcək. Bununla belə o, ticarət obyektlərinin fəaliyyətinin, həmçinin iaşə obyektlərində müştərilərə yerində xidmətin dayandırılacağını istisna etməyib.