Mən şadam ki, bu gün sevinc gözyaşları tökən, qaçqınlıq vəziyyətindən xilas olan minlərlə vətəndaşlarımız var. Mənə hər gün minlərlə məktub gəlir. Mən o məktubları oxuyanda göz yaşlarımı saxlaya bilmirəm. Mən o səmimi məktublarda bir daha görürəm ki, Azərbaycan xalqı necə də böyükdür. Mən çox xoşbəxtəm ki, qələbə sevincini xalqımıza verə bildik. ONN media  xəbər verir ki, bu fikirləri Azərbaycan Respublikasının Prezidenti İlham Əliyev NTV televiziya kanalına müsahibəsində deyib. Dövlət başçısı bildirib ki, işğaldan azad olunmuş ərazilərdə yenidənqurma işləri aparılacaq və həmin yaşayış məskənlərinin sakinləri öz dədə-baba yurdlarına geri qaytarılacaq.