ONN media bildirir ki, Ana Vətən Partiyasının sədri, Azərbaycan Milli Məclisinin deputatı Fəzail Ağamalı "McDonald's"ın Azərbaycan nümayəndəliyi Ordumuzn düşmənə qarşı əks-hücum əməliyyatına başlamasından sonra sosial media hesablarında silahlı qüvvələrimizə dəstək məqsədilə yaydığı postları və paylaşımları ermənilərin kütləvi narazılıqları səbəbilə silməsinə "Facebook" səhfəsindən öz etirazını bildirib. "Dəyərli dostlar! Uzun illərdi ki, Azərbaycanda fəaliyyət göstərən McDonald’s şəbəkəsi milyonlarla pul qazanmaqdadı. Azərbaycanın bir aydan artıq apardığı Vətən müharibəsində şirkətin sosial şəbəkələrdə xalqımızla birgə olmasına yanaşma tamamilə ədalətlidir. McDonald’s Azərbaycan restoranlar şəbəkəsinin İnstaqram səyfəsində Qarabağ müharibəsi mövzusunda etdiyi paylaşmalarını sonradan silməsi haqlı olaraq sosial seqmentdə etirazla qarşılanıb və ​ boykot kompaniyasına start verilib. Dəyərli soydaşlarımın bu təşəbbüsünə qoşulur və bütün dostlarımı ​ həmin təşəbbüsü​ müdafiə etməyə səsləyirəm".