Azərbycan parlamenti Vətən Müharibəsində qələbə münasibətilə” Azərbaycan Respublikasının orden və medallarının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” Azərbaycan Respublikasının Qanununda dəyişiklik edilməsi barədə qanun layihəsini müzakirəyə çıxarıb. ONN media xəbər verir ki, layihəni deputatlara vitse-spiker Əli Hüseynli təqdim edib. O deyib ki, indiyə qədər Azərbaycanın 10 orden və 64 medal təsis edilib. Yeni layihədə daha 2 orden və 15 yeni medalın təsis edilməsi təklif olunur. Qeyd edək ki, qanun layihəsində “Zəfər” və “Qarabağ” ordeni təsis edilir. Eləcədə "Cəsur döyüşçü","Döyüşdə fərqlənməyə görə", "Suqovuşanın azad olunmasına görə", "Cəbrayılın azad olunmasına görə","Xocavəndin azad olunmasına görə","Füzulinin azad olunmasına görə","Zəngilanın azad olunmasına görə","Qubadlının azad olunmasına görə", "Şuşanın azad olunmasına görə", "Kəlbəcərin azad olunmasına görə", "Ağdamın azad olunmasına görə", "Laçının azad olunmasına görə", "Vətən müharibəsi iştirakçısı" və "Vətən müharibəsində arxa cəbhədə xidmətlərə görə" medalları təsis edilir. Qeyd edək ki, bu medal və ordenlər Azərbaycanın işğal olunan ərazilərinin azadlığında iştirak edən hərbi qulluqçulara veriləcək. Qanun layihəsi parlamentə Prezident İlham Əliyevin imzası ilə daxil olub. Hazırda qanun layihəssi müzakirə edilir.